തിരുവനന്തപുരം: കേരള സംസ്ഥാനത്തിലെ സര്ക്കാര്/സര്ക്കാര് എയ്ഡഡ് സ്ഥാപനങ്ങളില് ബിരുദം, ബിരുദാനന്തരബിരുദം, പ്രഫഷണല് കോഴ്സുകളില് പഠിക്കുന്ന ന്യൂനപക്ഷ വിദ്യാര്ഥിനികള്ക്ക് (മുസ്ലിം, ക്രിസ്ത്യന് (എല്ലാ വിഭാഗക്കാര്ക്കും), സിഖ്, ബുദ്ധ, ജൈന, പാഴ്സി) സി.എച്ച്.മുഹമ്മദ് കോയ സ്കോളര്ഷിപ്പ്/ ഹോസ്റ്റല് സ്റ്റെപന്റ് പുതുക്കുന്നതിന് സംസ്ഥാന ന്യൂനപക്ഷ ക്ഷേമ വകുപ്പ് അപേക്ഷ ക്ഷണിച്ചു.
2023-24 സാമ്പത്തിക വര്ഷം സ്കോളര്ഷിപ്പ് ലഭിച്ചവര്ക്കാണ് അവസരം. ബിരുദത്തിന് പഠിക്കുന്ന വിദ്യാര്ഥിനികള്ക്ക് 5,000 രൂപ വീതവും, ബിരുദാനന്തബിരുദത്തിന് പഠിക്കുന്ന വിദ്യാര്ഥിനികള്ക്ക് 6,000 രൂപ വീതവും, പ്രഫഷണല് കോഴ്സിന് പഠിക്കുന്ന വിദ്യാര്ഥിനികള്ക്ക് 7,000 രൂപ വീതവും ഹോസ്റ്റല് സ്റ്റെപെന്റ് ഇനത്തില് 13,000 രൂപ വീതവുമാണ് പ്രതിവര്ഷം സ്കോളര്ഷിപ്പ് നല്കുന്നത്. ഒരു വിദ്യാര്ത്ഥിനിക്ക് സ്കോളര്ഷിപ്പ് അല്ലെങ്കില് ഹോസ്റ്റല് സ്റ്റെപന്റ് എന്നിവയില് ഏതെങ്കിലും ഒന്നിന് അപേക്ഷിക്കാം. കോളേജ് ഹോസ്റ്റലുകളില് താമസിക്കുന്നവര്ക്കും, സ്ഥാപന മേധാവി അംഗീകരിച്ചിട്ടുള്ള സ്വകാര്യ ഹോസ്റ്റലുകളില് താമസിക്കുന്നവര്ക്കും ഹോസ്റ്റല് സ്റ്റെപന്റിനായി അപേക്ഷിക്കാം. വിദ്യാര്ഥികളെ തെരഞ്ഞെടുക്കുന്നത് കുടുംബ വാര്ഷിക വരുമാനത്തിന്റെ അടിസ്ഥാനത്തിലാണ്. അപേക്ഷകര്ക്ക് ഏതെങ്കിലും ദേശസാല്കൃത ബാങ്ക്/ ഷെഡ്യൂള്ഡ് ബാങ്കില് സ്വന്തം പേരില് അക്കൗണ്ട് ഉണ്ടായിരിക്കണം. www.minoritywelfare.kerala.gov.in എന്ന വെബ്സൈറ്റിലെ സ്കോളര്ഷിപ്പ് മെന്യൂ ലിങ്ക് മുഖേന ഓണ്ലൈനായി അപേക്ഷിക്കാം. അപേക്ഷ ഡിസംബര് 30ന് മുമ്പായി നല്കണം. കൂടുതല് വിവരങ്ങള്ക്ക്: 0471 2300524, 0471-2302090.