Sankeerthanam News

“ഭൂകമ്പം ഉണ്ടാകുന്നത് പശുക്കളെ കൊല്ലുന്നതിനാല്‍”

ന്യൂഡല്‍ഹി: ഭൂകമ്പം ഉണ്ടാകുന്നത് പശുക്കളെ കൊല്ലുന്നതുകൊണ്ടാണെന്നും ഇന്ത്യയിലെയും റഷ്യയിലെയും ആണവനിലയങ്ങള്‍ റേഡിയേഷനില്‍ നിന്നും രക്ഷനേടാന്‍ പശുവിന്‍റെ ചാണകമാണ് ഉപയോഗിക്കുന്നതെന്നും യു.ജി.സി. യുടെ സ്റ്റഡി മെറ്റീരിയലില്‍ പറയുന്നു. പശുശാസ്ത്ര പരീക്ഷയ്ക്കുള്ള സ്റ്റഡിമെറ്റീരിയല്‍ തയ്യാറാക്കി യു.ജി.സി. രാഷ്ട്രീയ കാമധേനു അഭിയാന്‍റെ നേതൃത്വത്തില്‍ രാജ്യ വ്യാപകമായി ഈ മാസം അവസാനം പരീക്ഷകള്‍ നടത്തണമെന്നും വൈസ്ചാന്‍സലര്‍മാരോട് യു.ജി.സി. നിര്‍ദേശിച്ചു. എല്ലാ സര്‍വ്വകലാശാലകളിലും കോളേജുകളിലും പരീക്ഷ നടത്തണമെന്നും പരമാവധി വിദ്യാര്‍ത്ഥികളെ പരീക്ഷയില്‍ പങ്കെടുപ്പിക്കണമെന്നും യു.ജി.സി. നിര്‍ദേശിച്ചിട്ടുണ്ട്.